ភ្នំពេញ៖ នាយករដ្ឋមន្ត្រីកម្ពុជា សម្ដេច តេជោ ហ៊ុន សែន បានណែនាំដល់ក្រសួងពាណិជ្ជកម្មឲ្យពិភាក្សាជាមួយនឹងក្រុមហ៊ុនឯកជនដើម្បីគ្រប់គ្រងថ្លៃលក់រាយប្រេងឥន្ធនៈ និងរៀបចំស្តុកប្រេងឥន្ធនៈជាយុទ្ធសាស្ត្រ ខណៈដែលសភាពការណ៍អន្តរជាតិមានការវិវត្តស្មុគស្មាញ។
ការណែនាំគឺធ្វើឡើងក្នុងពេលដែល សម្ដេចតេជោដឹកនាំកិច្ចប្រជុំគណៈរដ្ឋមន្ត្រីនៅថ្ងៃទី១ ខែមេសា ឆ្នាំ២០២២។
ក្នុងពេលដែលសម្ដេចអញ្ជើញជាអធិបតីក្នុងការដាក់ឱ្យប្រើប្រាស់ជាផ្លូវការនូវស្ពានអាកាស និងផ្លូវក្រោមដី ចោមចៅនាព្រឹកថ្ងៃទី៣១ ខែមីនា ឆ្នាំ២០២២ នាយករដ្ឋមន្ត្រីកម្ពុជា សម្ដេចតេជោ ហ៊ុន សែន ថ្លែងថាសម្ដេចចង់ឱ្យត្រៀមលក្ខណៈ ឬគោលនយោបាយដើម្បីរក្សាប្រេងទុកត្រៀមទប់ស្កាត់ហានិភ័យណាមួយដែលកើតចេញពីតម្លៃប្រេងឡើងថ្លៃនាពេលខាងមុខដោយសារសង្គ្រាមរុស្ស៊ី-អ៊ុយក្រែន៕
